NATO Azərbaycanla əməkdaşlıq etmək istəyir - Enerji sahəsi

NATO enerji təhlükəsizliyinin təminatı sahəsində Azərbaycanla əməkdaşlıqda maraqlıdır. Bunu NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturay deyib.

Onun sözlərinə görə, Azərbaycan enerji təhlükəsizliyi məsələləri üzrə NATO-nun ən aktiv tərəfdaşıdır. C.Appaturay qeyd edib ki, təhsil və enerji təhlükəsizliyi sahələrində treninqlərin təşkil edilməsində NATO və Azərbaycan arasında daha sıx əməkdaşlıq üçün potensial mövcuddur: "Alyans Oberammerqaudakı NATO məktəbində enerji təhlükəsizliyi üzrə ilk tədris kursunu təsis etməyi planlaşdırır və bu məsələdə Azərbaycanla əməkdaşlıq qurum üçün sərfəli ola bilər". Daha ətraflı:http://atvxeber.az/news/politics/13016-nato-azerbaycanla-emekdasliq-etmek-isteyir Atvxeber.az saytında yerləşdirilmiş materiallardan istifadə edərkən istinad mənbəyinin göstərilməsi vacibidir.

.